அழகான முடிக்கு கறிவேப்பிலை
இன்றைய உலகில் இளம் வயதிலேயே நரைமுடி மற்றும் முடி உதிர்வு என்பது பலருக்கும் மிகப்பெரிய சவாலாக உள்ளது. செயற்கை ரசாயனங்கள் கலந்த ஷாம்புகளைத் தவிர்த்து, நம் முன்னோர்கள் பயன்படுத்திய இயற்கை முறைகளைப் பின்பற்றுவதே இதற்குச் சிறந்த தீர்வு.
கறிவேப்பிலையில் இரும்புச்சத்து (Iron), வைட்டமின் ஏ மற்றும் ஆன்டி-ஆக்சிடன்ட்கள் அதிகளவில் நிறைந்துள்ளன. இவை மயிர்க்கால்களுக்குத் தேவையான ஊட்டச்சத்தை அளித்து, தலைமுடி கருமையாகவும் ஆரோக்கியமாகவும் வளர உதவுகின்றன.
எப்படிச் சாப்பிடலாம்?
வாரத்தில் இரண்டு முறை உணவில் கறிவேப்பிலை துவையல் சேர்த்துக்கொள்ளுங்கள் கறிவேப்பிலையைச் சுத்தம் செய்து, லேசாக வறுத்து, அதனுடன் மிளகு, சீரகம், உளுத்தம் பருப்பு சேர்த்துப் பொடி செய்து சுடச்சுட சாதத்தில் நெய் அல்லது நல்லெண்ணெய் விட்டுச் சாப்பிட்டு வரலாம்.
- நரைமுடி வருவதைத் தாமதப்படுத்தும்.
- முடி உதிர்வைக் கட்டுப்படுத்தி, முடியை அடர்த்தியாக வளரச் செய்யும்.
- தலைமுடியின் வேர்க்கால்களுக்கு நல்ல பலம் கொடுக்கும்.
இயற்கையான முறையில் உங்கள் தலைமுடியைப் பாதுகாத்து ஆரோக்கியமாக வைத்திருங்கள்!

